Wara l-Koncelebrazzjoni immexxija mill-Mons Isqof Emeritus l-E.T Nikol G. Cauchi, u minkejja t-temp ikrah u rieh qawwi li hakem il-gzejjer Maltin illum, l-istatwa artistika ta' Kristu Rxoxt harget ghall-ewwel darba mill-knisja Rotunda.  Folla sabiha ta' nies laqghet l-istatwa fuq iz-zuntier tal-pjazza.  L-istatwa kienet merfugha miz-zaghzagh Xewkin u hadet sehem ukoll il-Banda Prekursur taht it-tmexxija tas-Surmast Anthony Borg.  Ta' min jghid ukoll li ndaqq ghall-ewwel darba l-innu ta' Kristu Rxoxt, kliem ta' l-Isqof Emeritus Mons. Nikol G. Cauchi u muzika ta' Mro. Ronnie Pisani.  Dimostrazzjoni bi Kristu Rxoxt daret fill-pjazza biss minhabba t-temp ikrah.  L-istatwa ta' Kristu Rxoxt hija xoghol ta' Alfred Camilleri Cauchi, u ngabet ix-Xewkija lejliet il-festa ta' San Gwann il-Battista li ghaddiet.

ikklikkja 'Read more' ghal iktar ritratti.

       Minn hawn u ftit sighat ohra fil-Knisja Rotunda tibda l-Funzjoni tal-Vgili ta' l-Ghid.  Matul il-jum kien hemm attivita' shiha fir-Rotunda fejn bosta kienu jaghtu daqqa t' id ghal din l-ahbar festa tal-Knisja.  Il-knisja zzejnet b'hafna ward kif ukoll gie ppreparat l-Irxoxt li se jizzanzan ghall-ewwel darba din is-sena.  Ta' min jghid ukoll li llejla se ssir il-Maghmudija.

       Fid-9:15 ta' filghodu ssir Koncelebrazzjoni mill-E.T. Mons. Isqof Emeritus Nikol G. Cauchi u wara ghall-habta ta' l-ghaxra u kwart issir il-purcissjoni bl-istatwa ta' Kristu rxoxt fejn takkumpanja l-Banda Prekursur.  Il-purcissjoni mistennija tghaddi minn Triq San Zakkarija, Triq Helsien, Triq il-Knisja u l-Pjazza.

[ Ritratti: Donald Camilleri ]

L-Istatwa ta' l-Irxoxt tittiehed ghal gol-Knisja

         Ilbierah; Jum il-Gimgha l-Kbira, saret it-Tifkira tal-Passjoni tal-Mulej fil-Knisja Rotunda.  Il-funzjoni li tmexxiet mill-Arcipriet tal-parrocca Mons. Carmelo Mercieca bdiet fit-tlieta u nofs ta' wara nofsinhar.  Fl-ewwel parti tal-funzjoni inqraw siltiet mill-Iskrittura kif ukoll ir-rakkont tal-passjoni tal-Mulej skond San Gwann.  Fl-omelija tieghu, l-Arcipriet tkellem fuq dak li qal il-Papa Pawlu VI meta zar l-Art Imqaddsa.  Hemmhekk hu kien qal li ma kienx qieghed bhala turist, izda bhala komplici f'dak li sar.  "Ahna wkoll komplici fil-mewt ta' Gesu' ghax hu miet minhabba d-dnubiet taghna." Mons. Mercieca kompla billi stieden lill-kongregazzjoni numeruza biex waqt li jbusu l-kurcifiss, jaghtuh demgha ta' ndiema u bewsa ta' mhabba.  Din l-ewwel parti intemmet bit-talbiet ta' intercessjoni.  Fit-tieni parti imbaghad grupp ta' zaghzagh mix-Xewkija tellghu kurcifiss kbir min-naha ta' wara tal-knisja sa fuq il-presbiterju.  Imbaghad sar il-bews tas-Salib.  Il-funzjoni intemmet bit-tqarbin.

       Fil-Knisja Rotunda, barra mill-bankijiet, zdiedu wkoll hafna siggijiet ghall-kumdita' tal-fidili.  Nistghu nghidu li l-kongregazzjoni, li kienet tinkludi nies mill-parrocca kif ukoll hafna barranin, kienet wahda kbira tant li kien hemm sahansitra xi nies bilwieqfa. [ Ritratti: Joseph Xuereb ]

L-Arcipriet flimkien ma' sacerdoti ohra waqt il-Funzjoni